Ақтөбеде тегін донер таратылып, адамдар кептеліп қалды (видео)

Ақтөбеде тегін донер таратылып, салдарынан адамдар кептеліп қалғаны туралы желіде видео тарады. Желі қолданушылары бұл әрекетті сынға алды. Облыстық полиция департаменті жағдайға қатысты шара қолданды, деп хабарлайды KAZ.NUR.KZ тілшісі.

"Ақтөбеде жаппай адам кептелісі ұйымдастырылған, ол жерде жергілікті донер ашылып, тегін донер таратылған. Мекеменің кіреберісінде кәмелетке толмаған ондаған жасөспірім жиналған. Кадрда балалардың кезекте тұрғанда бір-бірін қалай жаншып жатқанын көруге болады", - делінген видеоның жазбасында.

Әлеуметтік желі пайдаланушылары тегін донерге келген адамдардың іс-әрекеті мен мінез-құлқын сынға алды.

"Мұндай шараларды ұйымдастыруға болмайды, тегін бергіңіз келсе, өзіңіз көшеде жүріп таратқаныңыз дұрыс", "Аш па? Ұят!", "Бірін бірі жаншуға дайын", "Мұндай акцияларды жариялағандарды жазалау керек деп ойлаймын, бұл бірінші жағдай емес, жақсылық жасағысы келсе, үндемей істеу керек", - деп жазады желідегілер.

Ақтөбе облысының полиция департаменті акция ұйымдастырушылары ӘҚБтК-нің 505-бабы бойынша әкімшілік жауапкершілікке тартылғанын хабарлады.