Жаңбыр, найзағай, бұршақ, жел, дауыл: бүгін Қазақстанда ауа райы қандай болады

Қазақстанның басым бөлігінде жаңбыр, найзағай, бұршақ, жел, дауыл күтіледі. Бұл туралы "Қазгидромет" ресми сайтында хабарлады.

Оңтүстік циклон және онымен байланысты атмосфералық фронтальды бөліктердің әсерінен Қазақстанның басым бөлігінде жаңбыр, найзағай, оңтүстік өңірлерде бұршақ күтіледі.

Бүгін, 20 мамырда батыста, солтүстік-батыста, орталықта және оңтүстікте, 20-22 мамырда еліміздің оңтүстік-шығысында қатты жаңбыр болады деген болжам бар.

Сондай-ақ ел бойынша бойынша желдің күшеюі күтіледі, ал Қазақстанның оңтүстігінде дауыл болады деп болжанады.

Дегенмен, Қазақстанда ауа температурасының жоғарылауы күтіледі. Түнде солтүстік-батыс және солтүстікте топырақ бетінде 2 градусқа дейін үсік болады.