Қазақстанның екі мегаполисінде күн күркірейді

Синоптиктердің болжамынша, бүгін Қазақстанның екі мегаполисінде найзағай ойнайды. Ал ауа температурасы +20 градус жылы болады. Бұл туралы "Қазгидромет" ресми сайтында хабарлады.

Бүгін, 20 мамырда Астана қаласында күн бұлтты, күндіз жауын-шашынсыз. Ауа температурасы +19...+21 градус болады. Күндіз желдің екпіні 15-20 м/с шамасында болмақ.

Синоптиктердің хабарлауынша, Алматыда найзағай ойнап, жаңбыр жауады. Ауа температурасы +20...+22 градусқа жетеді. Желдің жылдамдығы 3-8 м/с, ал найзағай кезінде 17 м/с болады.

Шымкентте де найзағай күтіледі. Ауа температурасы күндіз +27...+29 градус жылы болады. Желдің жылдамдығы – 8-13 м/с, найзағай кезінде 15-20 м/с болмақ.

Бофорт шкаласы бойынша желдің жылдамдығы 15-20 м/с "күшті" және "өте күшті" деп сипатталады. Мұндай күшті желге қарсы тұру қиын, ағаш діңі тербеліп, бұтақтар сынуы мүмкін.

Мақаланың түпнұсқасы: https://kaz.nur.kz/society/2021370-qazaqstannyn-eki-megapolisinde-kun-kurkireidi/