Тоқаев Қазақстанға жұмыс сапарымен келетін Италия премьер-министрімен кездеседі

Қасым-Жомарт Тоқаев 22 мамыр күні Қазақстанға жұмыс сапарымен келетін Италия премьер-министрі Джорджа Мелонимен кездеседі. Бұл туралы президенттің ресми Telegram-арнасында хабарлады.

Ақорданың ресми Telegram-арнасының ақпаратына сәйкес, пезидент 22 мамыр күні Қазақстанға жұмыс сапарымен келетін Италия премьер-министрі Джорджа Мелонимен кездеседі.

Сондай-ақ бұл күні Қасым-Жомарт Тоқаев Қазақстанға мемлекеттік сапармен келетін Сингапур президенті Халима Якобпен келіссөздер жүргізеді. Кездесу барысында екі елдің саяси, сауда-экономикалық, инвестициялық және мәдени-гуманитарлық салалардағы ынтымақтастық мәселелері талқыланады.

Ал 25 мамыр күні Тоқаев жоғары Еуразиялық экономикалық кеңестің Мәскеуде өтетін кезекті отырысына қатысады.

Еске сала кетейік, 17 мамыр күні Қазақстан президенті Қасым-Жомарт Тоқаев Қытай Халық Республикасына мемлекеттік сапармен келген болатын.

Қытай Халық Республикасының төрағасы Си Цзиньпин мен Қазақстан Республикасының президенті Қасым-Жомарт Тоқаев келіссөздер жүргізген.

Кездесу барысында екі елдің басшысы стратегиялық әріптестікті одан әрі нығайту, сауда-экономика, мұнай-газ, мұнай химиясы, энергетика, білім және ғылым, қаржы салаларындағы жан-жақты ынтымақтастығын дамыту, көлік-транзит әлеуетін арттыру мәселелерін талқылады.

18 мамыр күні болса, Қасым-Жомарт Тоқаев қазақ-қытай инвестициялық дөңгелек үстеліне қатысты.

Сондай-ақ Қазақстан президенті Қытай Халық Республикасына мемлекеттік сапары аясында бірнеше құжатқа қол қойған болатын.

Ал 20 мамыр күні Тоқаевтың Қытай Халық Республикасына мемлекеттік сапары аяқталғаны туралы хабарлады Ақорданың Telegram-арнасында.

Мәтіннен қате тапсаңыз, бізге жазыңыз