Найзағай, 31 градусқа дейін ыстық: бүгін еліміздің ірі қалаларында ауа райы қандай болады

Синоптиктер дүйсенбі, 22 мамырда Алматыда тағы да найзағай ойнап, Астана мен Шымкентте жауын-шашынсыз ауа райы болатынын болжады. Бұл туралы "Қазгидромет" РМК ресми сайтында хабарланды.

Бүгін Алматыда найзағай ойнауына байланысты дауылдық ескерту жарияланды. Метеорологтардың болжамынша, бүгін оңтүстік астанада ауа температурасы күндіз +21...+23 градус болса, түнде +10...+12 градусқа дейін төмендейді. Желдің жылдамдығы 3-8 м/с болады деп күтілуде, бірақ найзағай кезінде желдің екпіні 17 м/с болуы мүмкін.

Дүйсенбі Астанада жауын-шашын күтілмейді, күндіз термометр бағаны +21...+23 градусты көрсетсе, түнде ауа темрературасы +8...+10 градусқа дейін төмендейді. Желдің жылдамдығы 7-12 м/с болады деп күтілуде.

Синоптиктер 22 мамыр Шымкентте ыстық ауа райы күтілетінін хабарлады. Күндіз ауа температурасы +29...+31 градусқа дейін көтерілсе, түнде мегаполисте +14...+16 градусқа дейін төмендейді. Қалада желдің жылдамдығы 8-13 м/с болады.