Алдағы күндері еліміздің батысында күн 34 градусқа дейін ысуы мүмкін

"Қазгидромет" РМК синоптиктері 23-25 мамырға арналған ауа райы болжамын ұсынды, деп хабарлйды KAZ.NUR.KZ тілшісі.

Метеорологтардың мәліметінше, республиканың басым бөлігінде жаңбыр, найзағай, оңтүстік-шығыста бұршақ сақталатын болады.

23-25 мамырда еліміздің оңтүстік-шығысындағы таулы аймақтарда қатты жауын-шашын (жаңбырдың соңы қарға ауысады) болады деп болжануда.

Сондай-ақ республика бойынша желдің күшеюі күтілуде, республиканың солтүстік-батысында, оңтүстігінде шаңды дауыл тұруы мүмкін.

Жалпы, күндіз батыс өңірлерде 29-34 градусқа дейін, солтүстік-батыста 25-30 градусқа дейін, солтүстікте 23-28 градуқа дейін, оңтүстікте 23-31 градусқа дейін, шығыс және оңтүстік-шығыста 15-25 градусқа дейін күн ысиды де күтіледі.

Мәтіннен қате тапсаңыз, бізге жазыңыз