"29 градус ыстық, найзағай": бүгін еліміздің ірі қалаларында ауа райы қандай болады

Синоптиктер сәрсенбі, 24 мамырда Астана мен Шымкентте жауын-шашынсыз ауа райы болатынын, ал Алматыда күн күркіреп, найзағай ойнайтынын болжады. Бүгінгі ауа райы болжамы "Қазгидромет" РМК ресми сайтында жарияланған, деп хабарлайды KAZ.NUR.KZ.

Метеорологтардың мәліметінше, бүгін Алматыда тағы да найзағай ойнап, жаңбыр жауады. Сондықтан оңтүстік астанада дауылдық ескерту жарияланды. Күндіз термометр бағаны +21...+23 градусты көрсетсе, түнде ауа температурасы +8...+10 градусқа дейін төмендейді. Желдің жылдамдығы 3-8 м/с болса, бірақ найзағай кезінде жел екпіні 15 м/с дейін жетуі мүмкін.

Сәрсенбі Астанада жауын-шашынсыз ауа райы күтіледі. Ауа температурасы күндіз +27...+29 градусқа дейін көтерілсе, түнде +10...+12 градусқа дейін төмендейді. Елордада желдің жылдамдығы 7-12 м/с болуы ықтимал.

Синоптиктер 24 мамыр Шымкентте де жауын-шашынсыз ауа райы сақталатынын болжады. Ауа райы болжамына сәйкес, қалада күндіз +27...+29 градусқа дейін ыстық болса, түнде +10...+12 градусқа дейін төмендейді деп күтілуде. Желдің жылдамдығы 8-13 м/с, ал жел екпіні 15-20 м/с. Үшінші мегаполисте қатты желге байланысты дауылдық ескерту жарияланды.