Top.Mail.Ru

Сайт нұсқасы

ru kz

Зектілері

"Ендігі арманым – қытай тілін үйрену": 6 тіл білетін түркістандық мұғалім жайлы не білеміз

Опубликовано:

Смадияр Кәрімов
Смадияр Кәрімов. Видеодан кадр: "Хабар24"

Түркістан облысы Қазығұрт ауданында ана тілінен бөлек, 6 тіл білетін Смадияр Кәрімов есімді мұғалім тұрады, деп хабарлайды "Хабар24" телеарнасы.

Смадияр Кәрімов Қалаубек Тұрсынқұлов атындағы мектеп-гимназиясы директорының оқу ісі жөніндегі орынбасары, әрі ағылшын тілі пәнінен сабақ береді.

Ол қазақ, орыс, өзбек тілдерінен бөлек, түрік, араб, кәріс тілдерін меңгерген. Айтуынша, араб тілін бала кезінде әкесінен үйренсе, ағылшын, түрік, орыс тілдерін мектепте оқып жүргенде үйренген.

"Бір тілді үйренсең бір адамсың, екі тілді үйренсең екі адамсың" деген сияқты бір тілді үйреніп алсаң ары қарай оңай келеді екен өзі", - дейді Смадияр Кәрімов.

Мұғалімнің сөзінше, кәріс тілін деген қызығушылық Кореяға барып келгеннен кейін оянған.

"Арнайы оқыған жоқпын, өзім іздендім", - дейді ол.

Зейінді ұстаздың ендігі арманы – қытай тілін үйрену. Смадияр Кәрімовтің сөзінше, қанша қиын болса да ниеттенген адам мақсатына жетпей қоймайды. Сондықтан ол оқу-білімге құштар болу, тілін үйренудің ерте-кеші жоқ деген пікірде.

Мақаланың түпнұсқасы: https://kaz.nur.kz/society/2021978-endigi-armanym-qytai-tilin-uirenu-turkistan-oblysynda-6-til-biletin-mugalim-zaily-ne-bilemiz/

pixel