Алматының бірнеше шағынауданында суық су уақытша болмайды

Алматының бірнеше шағынауданы бір күнге суық судан ажыратылады, деп хабарлайды "Алматы су" МКК баспасөз қызметіне сілтеме жасаған KAZ.NUR.KZ.

"Алматы су" мемлекеттік кәсіпорынының хабарлауынша, оңтүстік астанада бірқатар шағынауданда сумен жабдықтау желілеріндегі жоспарлы жұмыстарға байланысты, суық су жергілікті түрде ажыратылатын болады.

"30 мамыр күні сағат 9:00-ден 18:00-ге дейін "Орбита-1, 2, 3, 4", "Таугүл - 1, 2", "Мамыр-1, 4, 5, 6, 7", "Алмас", "Атамекен", "Қуаныш", "Достық" шағынаудандары мен М.Кәрім, Цветочная, Ықылас, Тойбастар, Тайбұрыл, Пролетарская көшелерінде орналасқан тұрғын үйлер мен өзге де ғимараттарға суық су беру уақытша шектеледі", - делінген ресми хабарламада.

Мекеме уақытша қолайсыздық үшін қала тұрғындарынан кешірім сұрайды.

Еске салайық, Алматының Түрксіб ауданында да жөндеу жұмыстарына байланысты ғимараттардың бір бөлігі ыстық судан уақытша ажыратылады. Бірқатар тұрғын үй мен басқа да ғимаратқа ыстық су берілуі 9 маусымға дейін шектеледі.

Мәтіннен қате тапсаңыз, бізге жазыңыз