Бүгін елміздің үш облысында қатты ыстық күтілуде
Опубликовано:
Синоптиктер 29 мамыр, дүйсенбіде ел аумағында ауа райы қандай болатынын болжады. Ауа райы туралы мәлімет "Қазгидромет" РМК ресми сайтында жарияланды.
Метеорологтардың мәліметінше, бүгін республикамыздың солтүстігінде, шығысында, оңтүстік-шығысында атмосфералық фронтальды бөліктердің әсерінен найзағай ойнап, жаңбыр жауады деп күтілуде.
Сондай-ақ Ақтөбе, Қостанай, Атырау облыстарының басым бөлігінде қатты ыстық күтілуде.
Қостанай, Павлодар облыстарының басым бөлігінде, Қызылорда облысының орталығы мен шығысында, Атырау облысының шығысында, Шығыс, Қарағанды облысының оңтүстігінде, шығысында, Ұлытау облысының орталығында, Ақтөбе облысының оңтүстік-батысында, Абай облысының солтүстігінде өрт қауіпі сақталады.
Синоптиктердің болжамынша, сонымен қатар бүгін республика бойынша жел күшейіп, батыста, оңтүстікте шаңды дауыл тұрады. Ал оңтүстік-шығыста түнгі және таңертеңгі уақытта тұман түседі.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2022369-bugin-elmizdin-us-oblysynda-qatty-ystyq-kutilude/