Ақтауға киелі жерлерді зиярат етуге кеткен алматылық жігітке іздеу жарияланды (фото)

Алматы қаласының 23 жастағы тұрғыны Мажтай Жаханшах киелі жерлерді зиярат етуге Ақтауға кетіп, туыстарымен байланысқа шықпай қалған. Ер адамға іздеу жарияланды. Бұл туралы Lider.kz_aktau Instagram парақшасында хабарланды.

Instagram-дағы парақшаның ақпаратынша, Ақтауда еріктілер Алматы қаласының тұрғыны Мажтай Жаханшахты іздеуде. Ол Маңғыстауға киелі жерлерге зиярат ету үшін барған.

Алайда 27 мамырдан бастап Мажтайдың туыстары онымен байланыс үзілгенін айтқан. Оның қайда екені туралы ақпарат жоқ. Ер адам 17-ші ауданда уақытша тұрғаны белгілі болды.

Ерекшеліктері: денесі жүдеу келген, бойы 178 см, шашы қара, көзі қара қоңыр түсті. Жоғалған кезде үстінде қандай киім-кешек болғаны белгісіз. Өзімен бірге рюкзак бар.

Еріктілер Мажтайды көргендер немесе ол туралы мәлімет білетіндер телефон арқылы хабарлауын сұрайды: +7 700 499 7292 немесе 102.