Top.Mail.Ru

Сайт нұсқасы

ru kz

Зектілері

Баласы нашар баға алғаны үшін ата-анаға айыппұл салынатыны рас па

Опубликовано:

Оқушы
Оқушы. Көрнекі фото: NUR.KZ/Владимир Третьяков

Әлеуметтік желідегі пабликтердің бірінде балалары мектепте нашар оқитын ата-аналарға айыппұл салуды көздейтін жаңа заң жобасы талқыланып жатқаны жайлы ақпарат тарады. Өңірдің білім басқармасы бұл хабарламаға қатысты пікір білдірді, деп хабарлайды stopfake.kz сайты.

Баласы нашар баға алғаны үшін ата-анаға айыппұл салынатыны туралы ақпарат Instagram-дағы "Қарағанды жаңалықтары" паблигінде жарияланған.

Бұған қатысты жауап берген Қарағанды облыстық білім басқармасының мәліметінше, алаңдауға негіз жоқ. Себебі ақпарат шындыққа жанаспайды.

"Қолданыстағы заңнамада балалардың қанағаттанарлықсыз бағалары үшін ата-аналардың жауапкершілігі қарастырылмаған. Осындай жаңашылдықтар енгізілген нормативтік-құқықтық актілердің жобалары талқылауға шығарылған жоқ.

Қандай да бір білім беру реформаларына қатысты нақты мәліметтер алу үшін ресми ақпарат көздерін пайдалануды ұсынамыз", – делінген Қарағанды облыстық білім басқармасының хабарламасында.

скриншот
Нашар баға үшін ата-анаға айыппұл салынатыны туралы желіде тараған ақпарат. Скриншот: stopfake.kz

Мақаланың түпнұсқасы: https://kaz.nur.kz/society/2022857-balasy-nasar-baga-algany-usin-ata-anaga-aiyppul-salynatyny-ras-pa/