Жаздың бірінші күні ел мегаполистерінде 35 градусқа дейін ыстық болады деп күтілуде

Синоптиктер 1 маусым, бейсенбі күніне арналған Қазақстанның ірі қалаларындағы ауа райының болжамын ұсынды. Бұл туралы KAZ.NUR.KZ "Қазгидромет" РМҚ ресми сайтына сілтеме жасап хабарлайды.

Синоптиктердің болжауынша, бүгін күндіз Алматыда сынап бағанасы +27...+29 градусты көрсетсе, түнде ауа температурасы +13...+15 градусқа дейін төмендейді. Мегаполисте жауын-шашын болмайды деп күтілуде, желдің жылдамдығы 2-7 м/с-қа дейін жетуі мүмкін.

Астанада күндіз ауа температурасы +33...+35 градусқа дейін көтеріледі, түнде +16...+18 градус жылы болады деп күтілуде. Бүгін елорда да жауын-шашынсыз, желдің жылдамдығы 2-7 м/с болады.

Синоптиктер Шымкентте күндіз сынап бағанасы +32...+34 градусты көрсетеді деп болжайды, ал түнде ауа температурасы +18...+20 градусқа дейін төмендейді деп күтілуде. Қалада жауын-шашын болмайды, алайда синоптиктер жел күшеюі мүмкін екенін ескертеді. Мұнда желдің жылдамдығы 8-13 м/С, екпіні 15-20 м/с болады деп күтілуде. Осыған байланысты Шымкентте дауылдық ескерту жарияланды.

Мәтіннен қате тапсаңыз, бізге жазыңыз