Top.Mail.Ru

Сайт нұсқасы

ru kz

Зектілері

"Бір рет қана "екі" алғанмын": Оқу-ағарту министрі мектепте оқу үлгерімі қандай болғанын айтты

Опубликовано:

Ғани Бейсембаев
Ғани Бейсембаев. Фото: primeminister.kz

Бүгін Оқу-ағарту министрі Ғани Бейсембаев оқу жылының аяқталуына байланысты елорда мектептерінің бірінде өткен салтанатты іс-шараға қатысты. Одан соң министр журналистердің сұрақтарына жауап берді, деп хабарлайды KAZ.NUR.KZ.

Шара аяқталған соң министр журналистерге мектепте қалай оқығанын айтты.

"Ата-анам, әсіресе анам менің бағаларымды қадағалады. Ата-анамды қуанту үшін үнемі жақсы оқуға тырыстым. Өйткені, мен "бес" алған сайын анам дәмді бәліштер, тоқаштар пісіретін, жақсы баға алған сайын біздің үйде қуанышты, жағымды аура болатын", – дейді Ғани Бейсембаев.

Сонымен қатар министр мектепте жақсы оқығанын, тек бір рет "екі" алғанын айтады.

"Менде 11-сыныпта АӘД (алғашқы әскери дайындық – ред.) пәнінен бір ғана "екі" болды: формам болмағандықтан маған "екі" қойды. Әйтпесе менде үнемі "төрт" пен "бес" болатын", – дейді Ғани Бейсембаев.

Сондай-ақ министр мектепті осыдан 30 жыл бұрын бітіргенін де атап өтті.

"Мектебімізде мектеп бітіру кеші болған емес... Біздің уақытта ешқандай мерекелік шаралар, қазіргідей іс-шаралар болмады. Бірақ өзім мұғалім болып жұмыс істеген кезде әрине, оқу жылы аяқталды деп бүгінгідей балалармен бірге қуанатынмын", – дейді Ғани Бейсембаев.

Айта кетейік, биыл қазақстандық мектеп оқушылары үшін оқу жылы 25 мамырда емес, 1 маусымда аяқталды.

Мақаланың түпнұсқасы: https://kaz.nur.kz/society/2022956-bir-ret-qana-eki-alganmyn-oqu-agartu-ministri-mektepte-oqu-ulgerimi-qandai-bolganyn-aitty/