Алдағы демалыс күндері елімізде 44 градусқа дейін аптап ыстық болады

Синоптиктер 3-5 маусым яғни, алдағы демалыс күндеріне арналған ауа райы болжамын ұсынды. Мамандар мәліметінше, елімізде демалыс күні 44 градусқа дейін аптап ыстық сақталады, деп жазады KTK арнасы.

Арна мәліметінше, осы күндері Қазақстанның басым бөлігіндегі циклон мен атмосфералық фронттардың әсерінен тек батыс аймақтарда және еліміздің оңтүстік-шығысындағы таулы аймақтарда жаңбыр жауып, найзағай жарқылдайды.

Республиканың оңтүстік өңірлерінде шаңды дауыл соғады, жел күшейеді. Күндізгі уақытта солтүстік-батыс, солтүстікте +36+41°С дейін ыстық сақталады.

Ал шығыста +33+39°С дейін, орталықта +33+41°С дейін, оңтүстікте +37+44°С дейін, оңтүстік-шығыста +30+39°С дейін қатты ыстық сақталады.