Бүгін елдегі мегаполистерде 36 градус ыстық болып, қатты жел тұруы мүмкін

Синоптиткер сенбі, 10 маусымда Астана, Алматы мен Шымкентте ауа райы қандай болатынын болжады. Мамандардың мәліметінше, мегаполистерде найзағай ойнап, жел күшейеді, деп хабарлайды "Қазгидромет" РМК ресми сайтында.

Астанада сенбіде жаңбыр жауып, найзағай ойнайды деп күтілеі. Ауа температурасы +24...+26 градусқа дейін көтеріледі. Желдің жылдамдығы 9-14 м/с, екпіні 15-20 м/с жетуі мүмкін.

Алматыда 10 маусымда найзағай ойнайды деп болжануда. Күндіз +32...+34 градус ыстық болады. Желдің жылдамдығы 3-8 м/с, найзағай кезінде екпіні 15 м/с дейін жетуі ықтимал.

Бүгін Шымкентте күн ала бұлтты болуы мүмкін. Дегенмен сынап бағаналары +34...+36 градусқа дейін көтеріледі. Желдің жылдамдығы 8-13, екпіні 15-20 м/с жетеді.

Мәтіннен қате тапсаңыз, бізге жазыңыз