ІІМ Әкімшілік полиция комитеті төрағасының орынбасары Жандос Мұраталиев қайтыс болды

48 жасында Ішкі істер министрлігі Әкімшілік полиция комитеті төрағасының орынбасары Жандос Мұраталиев өмірден озды. Бұл туралы комитет Instagram-дағы ресми парақшасында хабарлады.

Ведомство мәліметінше, ІІМ Әкімшілік полиция комитеті төрағасының орынбасары, Жандос Дүйсебайұлы Мұратәлиев ұзақ уақыт ауырғаннан кейін қайтыс болған.

Жандос Мұратәлиевтің әріптестері оның туған-туыстары мен отбасына көңіл айтты.

"Бұл орны толмас қазада қайғыларына шын жүректен ортақтастығымызды білдіргіміз келеді. Бұл - бәріміз үшін мезгілсіз келген қайғы, өкініш... Жандос Дүйсебайұлы біздер үшін тек әріптес қана емес. Ол - адал, үлгілі әке, мейірімді жан, ақылшы дос болды. Үлкен жүректі, жаны жайсаң азамат еді. Алла оның жанына тыныштық беріп, жәннатта етсін! Ішкі істер органына сіңірген зор еңбегі жадымызда мәңгі сақталады…", - деп жазылған Әкімшілік полиция комитеті парақшасында.

Мәтіннен қате тапсаңыз, бізге жазыңыз