Бублик Нидерландтағы турнирдің екінші айналымына шықты

Қазақстанның бірінші, әлемнің 47-ракеткасы Александр Бублик Нидерландтағы турнирдің екінші айналымына шықты. Бұл туралы KAZ.NUR.KZ тілшісі хабарлайды.

Отандық теннисші Хертогенбос ATP 250 турнирінің 1/16 финалында дүниежүзілік рейтингте 126-орында тұрған, Бельгия өкілі Давид Гоффенмен шеберлік байқасты.

Тартысты өткен матчта Александр Бублик 7:5, 7:5 есебімен қарсыласынан басым түсті.

Ойын бір жарым сағаттан астам уақытқа жалғасты.

Енді Қазақстанның бірінші ракеткасы турнирдің үшінші айналымына шығу үшін әлемнің тоғызыншы ракеткасы, италиялық Янник Синнермен ойнайды.

Матч ертең, 14 маусымда Астана уақытымен 15.00-де басталады.