Италияда "Балбырауын" күйін орындаған қазақ өнерпаздары көпшілікті тәнті етті

Әлеуметтік желіде ұлттық киіммен Италияда күй орындаған қазақ өнерпаздарының видеосы тарады. Әйгілі Колизей ескерткішінің жанында "Балбырауын" күйін шерткен бір топ Құрманғазы оркестрінің өнерпаздары көпшілікті тәнті етті, деп жазады KAZ.NUR.KZ.

Видео Құрманғазы оркестрінің Instagram желісінде жарияланды.

"Құрманғазы оркестрі Италия жеріндегі әлемнің жаңа жеті кереметінің қатарындағы Колизей мұнарасының алдында күйден шашу шашып, жергілікті халықтың ыстық-ықыласына бөленді. Ұлттық оркестрдің Италияға жоспарлаған гастрольдік сапары өз мәресіне жетті", - деп жазылды Құрманғазы оркестрінің жазбасында.

Ал желі қолданушылары қазақ жастарының өнеріне риза болып, жылы лебізін жаудырды.

"Керемет", "Жарайсыңдар", "Қазағымның жастары жасасын", "Тамаша", - деп жазды желідегілер.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз