Бүгін Қазақстан мегаполистерінде күн салқындайды

Синоптиктер жексенбі, маусымның 25-і күні Астана, Алматы және Шымкентте болатын ауа райы туралы айтты. Ағымдағы ауа райы болжамы "Қазгидромет" РМК ресми сайтында жарияланған.

Алматыда бүгін көшпелі бұлт шығады. Ыстық басылады, болжамдар бойынша ауаның тәуліктік температурасы +27...+29 градус болады. Күндіз желдің жылдамдығы 3-8 м/с.

Жексенбі күні Астанада жауын-шашын күтілмейді, көшпелі бұлт шығады. Ауа температурасы күндіз +20...+22 градус. Күндіз желдің жылдамдығы 5-10 м/с болады.

Шымкентте де синоптиктер аптап ыстықтың аздап төмендеуін болжап отыр - ауа температурасы күндіз +29...+31 градус болады. Жауын-шашын күтілмейді, көшпелі бұлт шығуы мүмкін. Желдің жылдамдығы секундына 8-13 метр.