Top.Mail.Ru

Сайт нұсқасы

ru kz

Зектілері

Ел күнтізбесінде Ұлттық баспасөз күні пайда болмақ

Опубликовано:

Бүктелген газеттер
Жиналған басылымдар. Көрнекі фото: pixabay.com

Елордадағы Ұлттық музейде БАҚ қызметкерлерінің төл мерекесіне орай көрме ұйымдастырылды. Көрмеге қатысқан Ақпарат және қоғамдық даму министрі Дархан Қыдырәлі күнтізбеде 2 ақпан - Ұлттық баспасөз күні болып белгіленетінін атап өтті. Бұл туралы "Хабар 24" арнасы хабарлады.

Телеарна мәліметінше, БАҚ қызметкерлерінің төл мерекесіне орайластырылған көрме баспасөз, радио және телевизия салаларына қатысты бөлімдер таныстырылған. Көрмеде көрермен назарына ХІХ ғасырдың екінші жартысынан басталатын тарихи құжаттар мен газеттердің көшірмелері, қолжазбалар, кітаптар, түрлі техника және ескі суреттер қойылған.

Көрменің ашылу салтанатына Ақпарат және қоғамдық даму министрі Дархан Қыдырәлі қатысты. Ол өз сөзінде ел күнтізбесінде Ұлттық баспасөз күні пайда болатынын атап өтті.

"Қазақ" газеті дүниеге келген 2 ақпанды Ұлттық баспасөз күні деп белгілеу туралы ұсыныс болғаны белгілі. Министрлік бұл ұсынысты қолдап, тиісті жұмыстар жүргіздік. Қазір енді тіркелу үстінде. 1-2 күннің ішінде жария болады деп ойлаймыз", - деді Ақпарат және қоғамдық даму министрі Дархан Қыдырәлі.

Министр журналистика күнінен бөлек, газет саласында жүрген әріптестерімізге бұл кәсіби мереке ретінде аталып өтілетінін айтты.

"Мен өзі ЕҰУ журналистика кафедрасында сабақ беремін. Қазір ойлап отырмын. Бізде қазақ журналистикасының тарихы деген пән жүреді. Сол сабақты осы жерге әкеліп өткізуге болады екен. Барлық көрнекі құралдар тұр. Газет қалай шықты? Жас журналистердің көпшілігі білмеуі мүмкін. Сондықтан құтты болсын! Бұл көптен күткен, баяғыдан болу керек музей еді ғой". - деді көрме туралы Л. Гумилев атындағы ЕҰУ доценті Оңайгүл Тұржан.

Мақаланың түпнұсқасы: https://kaz.nur.kz/society/2026651-el-kuntizbesinde-ulttyq-baspasoz-kuni-paida-bolmaq/

pixel