Бүгін Астана мен Алматыда күн жаңбырлы болуы мүмкін

Бүгін, 28 маусымда Астана мен Алматыда күн жауын-шашынды болуы мүмкін. Ал Шымкентте күн ашық әрі жылы болады деп күтілуде. Бұл туралы KAZ.NUR.KZ "Қазгидромет" РМК баспасөз қызметіне сілтеме жасап хабарлайды.

Астанада жаңбыр жаууы мүмкін. Күндіз ауа температурасы +20....+22 градус жылы болмақ. Сонымен қатар елордада жел соғып, жылдамдығы 9-14 м/с, екіпіні 15-20 м/с дейін жетуі мүмкін.

Алматыда бүгін жаңбыр жауып, найзағай ойнайды деп күтіледі. Күндіз қалада +30…+32 градус ыстық болады. Желдің жылдамдығы 3-8 м/с жетеді, дегенмен найзағай кезінде 13 м/с дейін жетуі ықтимал.

Шымкентте бүгін күн жауын-шашынсыз әрі ыстық болады деп болжануда. Шаһарда күндіз сынап бағаналары +31...+33 градусқа дейін көтеріледі. Осы ретте, жел 8-13 м/с жылдамдықпен соғуы мүмкін.

Мәтіннен қате тапсаңыз, бізге жазыңыз