Бейсенбі күні Қазақстанның барлық мегаполисінде жаңбыр жауады

Бүгін, 29 маусымда еліміздің үш ірі қаласында да қолайсыз ауа райы күтіледі. Алматыда найзағай болуы мүмкін. Бұл туралы "Қазгидромет" РМК ресми сайтында хабарланды.

Бүгін Астанада жаңбыр жауады деп күтілуде, бірақ күн ашылуы ықтимал. Ауа температурасы күндіз +23...+25 градус, түнде +11...+13 градусқа дейін төмендейді. Желдің жылдамдығы – 9-14 м/с.

Синоптиктер алматылықтарға найзағай ойнауы мүмкін екенін ескертті. Күндіз термометрлер +26...+28 градусты көрсетсе, түнде +16...+18 градусқа дейін салқындайды. Желдің жылдамдығы 2-7 м/с деңгейінде болады.

Шымкентте де жауын-шашын болып, көшпелі бұлт шығады. Мегаполисте күндіз ауа температурасы +31...+33 градус, түнде +18...+20 градус болады деп күтілуде. Желдің жылдамдығы – 8-13 м/с.