Астана көшелерінің бірінде бір бағытты қозғалыс енгізілді
Жарияланған күні:
Астанадағы Егемен Қазақстан көшесінің бульвар бөлігінде бір бағытты қозғалыс енгізілді. Бұл туралы Көлік және жол-көлік инфрақұрылымын дамыту басқармасы Instagram парақшасында хабарлады.
28 маусымнан бастап Астана қаласының Әкімшілік полиция басқармасының келісімі бойынша Егемен Қазақстан көшесінің Кенесары көшесі мен Абай даңғылы арасындағы бульвар бөлігінде бір бағытты қозғалыс енгізілді.
"Бұл шешім көшелердің жүріс бөлігінің және іргелес бөліктерінің қолданыстағы параметрлерін, сондай-ақ оларда жол қозғалысын ұйымдастыру ерекшеліктерін ескере отырып қабылданды, бұл тиісті өткізу қабілеті мен қауіпсіз қозғалыс жағдайларын қамтамасыз етуге мүмкіндік береді", – делінген хабарламада.
Басқарма өкілдері қала тұрғындарынан жоспарланған өзгерістерді назарға алуды және жол қауіпсіздік ереже талаптарын сақтауды сұрайды.
Мақаланың түпнұсқасы: https://kaz.nur.kz/society/2026789-astana-koselerinin-birinde-birzaqty-qozgalys-engizildi/
