Алматының екі ауданында суық су уақытша сөндіріледі

Алматыда 4 шілде күні екі бірдей ауданда суық су өшіріледі. Алмалы және Бостандық аудандарында сумен жабдықтау желілерінде жоспарлы жұмыстардың орындалуына байланысты 9:00-20:00 арасында суық су беру уақытша тоқтатылады, деп хабарлайды "Алматы" арнасы.

"4 шілде күні сағат 9:00-ден 20:00-ге дейін сумен жабдықтау желілерінде жоспарлы жұмыстардың орындалуына байланысты,  Бостандық ауданындағы: Байтұрсынов - Тимирязев - Желтоқсан - Абай көшелерінің контурында, Керемет шағынауданында суық су уақытша өшіріледі.

Алмалы ауданындағы келесі контурларда: Абай даңғылы-Гоголь көшесі - Абылайхан даңғылы-Наурызбай батыр көшесі; Абай даңғылы-Құрманғазы көшесі - Наурызбай батыр көшесі - Мұратбаев көшесі; Гоголь көшесі - Жібек жолы даңғылы - Сейфуллин даңғылы - Чайковский көшелерінде орналасқан тұрғын үйлер мен өзге де ғимараттарға суық су беру тоқтатылады", - делінген хабарламада.

Мәтіннен қате тапсаңыз, бізге жазыңыз