Талдықорғанда мәйітханаға 5,5 млн теңге айыппұл салынды

Талдықорғандағы мәйітханаға 5 жарым миллион теңге айыппұл салынды. Мамандар өлгендердің денесі жататын нысанда санитарлық талаптың сақталмағанын анықтаған, деп хабарлайды КТК телеарнасы.

Телеарнаның хабарлауынша, мәйітханада тазалық сақталмағанын ғимараттан-ақ байқауға болады. Ғимараттың өзінен бөлек, құрал-жабдықтары да ескі екені көрініп тұр. Аталмыш заң бұзушылықтарды санитар мамандар анықтаған. Мекеме 5 жарым миллион теңге айыппұлды осы айдың соңына дейін толық төлеуі керек.

"Сол бұзушылықтардың негізінде біздің қызметкерлер мәйтіхананың басшылығына 1600 АЕК ретінде айыппұл салып отыр. Бұл айыппұл Әкімшілік кодекстің 425-бабы 1- тармағына сәйкес жасалып отыр", - деді Жетісу облысы санитария-эпидемиологияны бақылау департаментінің баспасөз хатшысы Әлия Шагиахмет.

Дереккөз: КТК телеарнасы

Мәтіннен қате тапсаңыз, бізге жазыңыз