Бүгін елдің ірі қалаларында ауа райы қандай болады

Жексенбі, 16 шілдеде еліміздің ірі қалалары - Астана, Алматы мен Шымкентте аптап ыстық сақталады. Бұл туралы "Қазгидромет" РМК ресми сайтында хабарлады.

Синоптиктердің хабарлауынша, бүгін Алматыда күн ашық, сынап бағанасы күндіз +31...+33 градусқа дейін көтеріледі. Ал түнде ауа температурасы +19...+21 градусқа төмендейді. Желдің жылдамдығы 0-5 м/с жетеді.

Астанада күн ала бұлтты. Күндіз елордада +28...+30 градус ыстық болса, түнде +15...+17 градусқа дейін төмендейді. Желдің жылдамдығы 9-14 м/с жетсе, екпіні түнде және таңертең 15-20 м/с дейін жетуі мүмкін.

Шымкентте күн ашық, жауын-шашынсыз. Сынап бағанасы күндіз +34...+36 градус ыстықты көрсетсе, кешке +18...+20 градусқа дейін төмендейді. Қалада желдің жылдамдығы 8-13 м/с дейін жетуі ықтимал.