Қазақстанда алдағы үш күнде ауа райы қандай болады

Синоптиктердің болжауынша, алдағы үш күнде, яғни 18-20 шілде аралығында елімізде жаңбыр жауып, найзағай ойнайды. Сондай-ақ бұршақ жауып, аптап ыстық болуы мүмкін. Бұл туралы "Қазгидромет" РМК сайтында хабарлады.

Метеорологтардың болжамынша, алдағы үш күнде Қазақстанның солтүстік жартысында атмосфералық фронттардың әсерінен жаңбыр, найзағай, бұршақ жауады, сондай-ақ екпінді жел күтіледі.

18-19 шілде күні батыс пен солтүстік-батыста, 18-20 шілдеде солтүстікте және солтүстік-шығыста қатты жаңбыр жауады.

Ал Қазақстанның қалған аумағы солтүстік-батыс антициклонының ықпалында болып, ауа райы жауын-шашынсыз болуы ықтимал.

18-19 шілдеде күндіз республиканың оңтүстік-шығысында 40-42 градус аптап ыстық күтілуде.

Мәтіннен қате тапсаңыз, бізге жазыңыз