Алматыда Әл-Фараби даңғылындағы тағы екі учаске жабылады
Жарияланған күні:
Алматыда 22 шілдеге дейін әл-Фараби даңғылы бойындағы бұрылыс жолдарды жөндеуге байланысты екі учаске жабылады. Бұл туралы мегаполис әкімдігі Almaty_Joly Telegram-дағы ресми арнасында хабарлады.
20 шілде сағат 23:00-ден 22 шілде сағат 06:00-ге дейін Меңдіқұлов бульварынан Достық даңғылына қарай шығыс бағытта қозғалыс кезінде Әл-Фараби даңғылындағы бұрылыста қозғалыс шектеледі.
Батыс бағытта Достық даңғылынан Әл-Фараби даңғылына және шығыс бағытта Әл-Фараби даңғылынан Достық даңғылына дейінгі жол жабылады.
"Бұл аумақты Меңдіқұлов бульвары, Назарбаев даңғылы, Сәтбаев және Жолдасбеков көшесі арқылы айналып өтуге болады. Оңтүстік бағытта Әл-Фараби даңғылынан Достық даңғылына Назарбаев даңғылы, Жолдасбеков көшесі және Достық даңғылындағы айналма жол арқылы баруға болады", - делінген хабарламада.
Ведомство мәліметінше, Достық даңғылындағы көлік қозғалысы кестеге сәйкес шектеледі. Патрульдік полицияның 3 экипажы көлік қозғалысын реттейді.
Мақаланың түпнұсқасы: https://kaz.nur.kz/society/2029548-almatyda-al-farabi-dangylyndagy-tagy-eki-ucaske-zabylady/
