Суға кеткен баланы құтқарып, өзі қаза тапқан астаналық мұғалім орденмен марапатталды
Жарияланған күні:
Президент Қасым-Жомарт Тоқаев суға батып бара жатқан баланы құтқарып, қаза тапқан мұғалім Александр Руденконы ІІ дәрежелі "Айбын" орденімен марапаттады. Бұл туралы Ақорда Telegram-дағы ресми арнасында хабарлады.
"Мемлекет басшысы Астана қаласының № 32 мектеп-гимназиясының алғашқы әскери дайындық пәнінің мұғалімі Александр Иванович Руденконы (марқұм) адам өмірін құтқаруға байланысты төтенше жағдайда көрсеткен ерлігі мен жанқиярлығы үшін ІІ дәрежелі "Айбын" орденімен марапаттау туралы Жарлыққа қол қойды", - делінген хабарламада.
Ақорданың баспасөз қызметі Александр Руденконың 2023 жылдың 12 шілдесінде Шортанды көлінде суға батып бара жатқан баланы құтқарып, қаза тапқанын атап өткен.
Мақаланың түпнұсқасы: https://kaz.nur.kz/society/2030733-suga-ketken-balany-qutqaryp-ozi-qaza-tapqan-astanalyq-mugalim-ordenmen-marapattaldy/