Бүгін еліміздің ірі қалаларында 40 градусқа дейін ыстық күтіледі

Синоптиктер сейсенбі, 1 тамызда Қазақстанның үш мегаполисі - Астана, Алматы және Шымкентте аптап ыстық күтіледі деп болжайды. Бұл туралы "Қазгидромет" РМК ресми сайтында хабарланды.

Синоптиктердің болжамынша, Астанада бүгін күн райы - жауын-шашынсыз. Күндіз термометр бағаны +32...+34 градусқа дейін көтерілсе, түнде +18...+20 градусқа дейін төмендейді. Желдің жылдамдығы 3-8 м/с болады.

Сейсенбіде Алматыда көшпелі бұлт шыққанмен, жауын-шашын күтілмейді. Синоптиктер оңтүстік астанада күндіз +35...+37 градусқа дейін ыстық болса, түнде ауа температурасы +23...+25 градусқа дейін төмендейді деп болжап отыр. Желдің жылдамдығы 3-8 м/с-ке дейін жетеді.

Шымкент тұрғындарына бүгін қалада қатты ыстық болатыны туралы ескертілді. Күндіз ауа температурасы +38...+40 градусқа жетсе, түнде ауа температурасы +22...+24 градусқа дейін төмендейді. Үшінші мегаполисте жауын-шашын болмайды, желдің жылдамдығы 8-13 м/с-ке дейін жетуі ықтимал.

Метеорологтар еліміздің мегаполистерінде бүгін өрт шығу қаупі жоғары екенін ескертті.

Айта кетейік, Қазақстанның бірқатар аймағанда аптап ыстыққа байланысты дауылдық ескерту жарияланған болатын.