Алдағы үш күнде елімізде ауа райы қандай болады

Синоптиктердің болжауынша, 5-7 тамыз күндері Қазақстанның басым бөлігінде жаңбыр жауып, найзағай ойнайды, ауа райы тұрақсыз болады. Бұл туралы "Қазгидромет" РМК баспасөз қызметі хабарлады.

Синоптиктердің болжауынша, еліміздің солтүстігінде, орталығында, шығысында және оңтүстік-шығысында қатты жаңбыр мен бұршақ жауады. Одан бөлек жел күшейіп, дауыл соғуы мүмкін.

Қазақстанның басым бөлігінде температура біртіндеп төмендеуі ықтимал.

Сонымен қатар еліміздің батыс аймақтарында әлі жауын-шашынсыз ауа райы күтіледі.

Бұл ретте 5-6 тамызда күндіз Қазақстанның оңтүстік-шығысында 40-42 градус аптап ыстық болады деген болжам бар.

Еске сала кетейік, бұған дейін синоптиктер тамыз айында еліміздегі қаншалықты құрғақшылық болатынын болжағанын жазған едік.