Алматының кейбір аудандарында уақытша ыстық су болмайды

Алматы қаласында ғимараттардың бір бөлігі ыстық судан уақытша өшіріледі. Бұл туралы "Алматы жылу жүйесі" ЖШС баспасөз қызметі хабарлады.

"Алматы жылу жүйесі" ЖШС ақпаратынша, 7 тамыздан бастап ыстық сумен қамтамасыз ету қызметі бойынша уақытша шектеулер Алматы қаласының төрт ауданының аумағында сегменттік түрде енгізіледі.

Ыстық су мына көшелер мен тұрғын үйлердің контурында орналасқан тұрғын және т.б. ғимараттарда өшіріледі:

Түрксіб ауданы:

• 7-11 тамыз аралығында Сейфуллин-Терехин-Дулатов-Ақан сері көшелерінің контурында;
• 21-25 тамыз аралығында - Физкультурная-Аймауытов-Щербаков-Чехов көшелері;

Жетісу ауданы:

• 21-25 тамыз аралығында-Беспаков-Жансүгіров-Жұмабаев-Омаров көшелері;

Наурызбай ауданы:

• 7-8 тамыз аралығында-Жүнісов-Райымбек-Алтын орда-Абай көшелері;

Медеу ауданы:

• 14-18 тамыз аралығында-Блок-Үштөбе-Тәтібеков-Гурилев көшелері;
• 14-19 тамыз аралығында - Казачка өзені – Құлжа трактісі-Атырау-1 - ықшам ауданы.

Аталған жергілікті шектеулер "Алматыжылукоммунэнерго" ЖШС қазандықтарында жоспарлы жөндеу жұмыстарын жүргізу кезінде қауіпсіздікті қамтамасыз ету үшін енгізіледі.

Баспасөз қызметінде уақытша қолайсыздықтарға түсіністікпен қарауды өтінді.

Мәтіннен қате тапсаңыз, бізге жазыңыз