Бүгін еліміздің ірі қалаларында ауа райы қандай болады

Синоптиктер сенбі, 5 тамызда Астанада тағы да найзағай ойнап, Алматы мен Шымкентте жауын-шашынсыз ауа райы сақталады деп болжады. Бұл туралы "Қазгидромет" РМК ресми сайтында хабарланды.

Метеорологтар мәліметінше, бүгін Астанада найзағай ойнап, жаңбыр жауады. Жел жылдамдығы секундына 7-12 метрге жетіп, жел екпіні 15 м/с күшейеді. Елордада күндіз ауа температурасы 26... 28 градусқа дейін көтерілсе, түнде 16... 18 градусқа дейін төмендейді деп күтілуде.

Алматыда бүгін жауын-шашынсыз ауа райы күтіледі. Оңтүстік астанада күн ыстық, күндіз термометр 36... 38 градусты көрсетсе, түнде ауа температурасы 23... 25 градусқа дейін төмендейді. Жел жылдамдығы 3-8 м/с дейін жетеді.

Шымкентте де күн ашық, ауа райы жауын-шашынсыз болады. Күндіз термометр 36... 38 градусты көрсетсе, түнде мегаполисте ауа температурасы 21... 23 градусқа дейін төмендейді. Желдің жылдамдығы 8-13 м/с-ке дейін жетуі ықтимал.