"Болжам жасамайық": Ахметжанов боксшы Бейбіт Шүменовті іздеу жұмыстарына қатысты пікір білдірді

Ішкі істер министрі Марат Ахметжанов Астанадағы сауда орталығында балалы ер адамды ұрып соққан боксшы Бейбтіт Шүменовті іздеу жұмыстарына қатысты пікір білдірді, деп хабарлайды KAZ.NUR.KZ тілшісі.

Әлеуметтік желіде Бейбіт Шүменовтің АҚШ-та болуы мүмкін екені айтылуда. Айта кетсек, бұған дейін полиция боксшыға мемлекетаралық іздеу жариялаған болатын.

Марат Ахметжановтың сөзінше, Қазақстан мен АҚШ арасында экстрадиция туралы келісім жоқ, десе де тек өзара шарттар негізінде заң көмегін көрсету туралы келісім ғана бар.

"Болжам жасамайық. Іс орташа ауыр санатқа жатады, мұнда татуласу да қарастырылған. Менің ойымша, нұсқаулар барлығына жіберілді – қайтарылған жағдайда толыққанды сотқа дейінгі тергеу жүргізіліп, заңды процесуалдық шешім қабылданады", - деді министр.

Мәтіннен қате тапсаңыз, бізге жазыңыз