ШҚО-да рұқсатсыз намазхана ашқан жігіт айыппұлмен құтылды
Опубликовано:
ШҚО полиция департаментінің қызметкерлері рұқсатсыз намазхана ашқан 28 жастағы қала тұрғынын анықтады. Бұл туралы Altaynews.kz сайтына сілтеме жасаған KAZ.NUR.KZ хабарлайды.
Ол қаладағы ойын-сауық орталықтарының бірінен тиісті құзыретті органдардың рұқсатынсыз намазхана ашқан.
Ер адамның айтуынша, ол аталған жағдай үшін әкімшілік жауапкершілік көзделетінінен бейхабар болған көрінеді.
Қазіргі уақытта ер адам Әкімшілік құқықбұзушылық туралы 490-бап 1-бөлім бойынша әкімшілік жауапкершілікке тартылды.
Орынсыз жерлерде діни рәсімдер мен жиналыстарды өткізіп, Қазақстан Республикасының заңнамасында белгіленген талаптарды бұзғаны үшін оған 130 000 теңге сомасында айыппұл салынды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2032601-sqo-da-ruqsatsyz-namazxana-asqan-zigit-aiyppulmen-qutyldy/