Қырғызстанмен шекарада жүздеген жүк көлігі кептелісіне қатысты Қаржы министрі пікір білдірді

Бүгін министрлер кабинетінің кулуарында Қаржы министрі Ерұлан Жамаубаев Қырғызстанмен шекарадағы жүк көліктерінің тоқтап қалып, кептеліс туғызғанына қатысты пікір білдірді, деп хабарлайды KAZ.NUR.KZ.

БАҚ өкілдері Қырғызстанмен шекарада 370-тен астам жүк көлігі тұрып қалғанын атап өтті. Олар жағдайдың немен байланысты екенін түсіндіруді сұрады.

"Ол жерде кеден жоқ, бұл - ЕАЭО-ның ішкі шекарасы. Менің білуімше, есірткіні тәркілеу операциясы болған, сондықтан қазір шекара қызметі мен ҰҚК мұқият тексеру жүргізуде", - деп жауап берді Ерұлан Жамаубаев

Оның айтуынша, коммерциялық жүктерге қатысты талаптар болмаған.

Айта кетейік, бұған дейін Қырғызстан мен Қазақстан шекарасында 400-ден астам жүк көлігі кептелісте тоқтап қалғаны туралы хабарланған болатын. Бірақ Ұлттық қауіпсіздік комитетінің шекара қызметі ешқандай шектеу қойылмағанын, бақылау-өткізу бекетінің күнделікті жұмыс істейтінін айтқан еді.

Мәтіннен қате тапсаңыз, бізге жазыңыз