Алматыда Тұрғыт Озал көшесінің бір бөлігі жабылады

Алматыда Тұрғыт Озал көшесінде орташа жөндеу жұмыстары басталады. Соған байланысты, 22 тамыздан 23-тамызға қараған түні көшенің бір бөлігі жабылады, деп ескертті олар Almaty Joly компаниясыTelegram-дағы ресми арнасында.

Компания мәліметінше, жол жағдайын зерттеу қорытындысына сәйкес, орташа жөндеу жоспарына Тұрғыт Озал көшесінің Төле би көшесінен Сәтпаев көшесіне дейінгі ұзындығы 1,8 км аумағы енгізілді.

"22 тамыз 23:00-ден 23 тамыз сағат 06:00-ге дейін Төле би көшесінен Сәтпаев көшесіне дейінгі Тұрғыт Озал көшесінің бойындағы көлік қозғалысы шектеледі", - делінген хабарламада.

Almaty Joly компаниясы бұл 2023 жылға жоспарланған жұмыстар аясында қолға алынғанын атап өтті.

Мәтіннен қате тапсаңыз, бізге жазыңыз