Магистратура бойынша мемлекеттік білім грантын жеңіп алғандардың тізімі шықты

Магистратура бойынша мемлекеттік білім грантының иегерлері белгілі болды. Білім грантын жеңіп алғандардың тізімін Ғылым және жоғары білім министрлігі ресми сайтында жариялады.

Ведомство хабарлауынша, мемлекеттік гранттар республикалық комиссия отырысының қорытындысы бойынша тағайындалған.

Комиссия құрамында парламент депутаттары, министрліктің, мүдделі мемлекеттік органдардың, бiлiм саласы кәсiподақтарының, Ұлттық кәсiпкерлер палатасы және қоғамдық ұйым өкілдері болған.

Білім беру гранттарын тағайындау конкурсына барлығы 14 612 адам қатысқан. Оның 8 359-ы грант иегері атанған.

Білім грантын жеңіп алғандардың толық тізімін мына сілтеме арқылы көруге болады.

Сондай-ақ министрлік жоғары оқу орындарына қабылдау 2023 жылғы 28 тамызға дейін жалғасатынын атап өтті.