Елімізде 1 қыркүйектен бастап жаңа телеарна іске қосылады
Жарияланған күні:
Қазақстанда 1 қыркүйектен бастап Silk Way Cinema атты жаңа халықаралық телеарна іске қосылады. Телеарна қазақ және орыс тілдерінде тәулік бойы хабар таратады, деп хабарлайды ҚазАқпарат.
Агенттік хабарлауынша, Silk Way Cinema телеарнасы – Қазақстан президенті телерадиокешенінің жаңа медиа-ресурсы.
Телеарна сигналы Қазақстан жанындағы оннан астам шет елге қолжетімді болады.
Жаңа спутниктік арнаның командасы танымдық және білім беру бағдарламаларын, деректі және музыкалық жобаларды, телехикаяларды эфирге шығарады.
Сондай-ақ Silk Way Cinema эфирінде республикалық телеарналар мен "Қазақфильм" киностудиясының контенті (фильм) көрсетіледі.
Мақаланың түпнұсқасы: https://kaz.nur.kz/society/2034194-elimizde-1-qyrkuiekte-bastap-zana-telearna-iske-qosylady/
