Бүгін еліміздің үш ірі қаласында ауа райы қандай болады

Синоптиктер бүгін, 30 тамызда Қазақстанның үш ірі қаласында ауа райы қандай болатынын болжады, деп жазады KAZ.NUR.KZ тілшісі "Қазгидромет" РМК баспасөз қызметіне сілтеме жасап.

30 тамызда Астанада күн бұлтты, күндіз жаңбыр, бұршақ жауып, найзағай ойнауы мүмкін. Оңтүстік-шығыстан оңтүстік-батысқа қарай жел соғып, екпіні 9-14 м/с, жылдамдығы 15-20 м/с жетеді. Түнде +14+16°С, күндіз +19+21°С жылы болмақ.

Сәрсенбіде Алматыда көшпелі бұлт шығып, күн жауын-шашынсыз болады. Шығыстан екпіні 3-8 м/с құрайтын жел соғады деп болжанады. Түнде +15+17°С, күндіз +29+31°С жылы болады деп күтіледі.

Бүгін Шымкентте көшпелі бұлт шығып, таңертең және күндіз жаңбы жаууы ықтимал. Сондай-ақ найзағай ойнайды деп болжануда. Оңтүстік-батыстан солтүстік-батысқа қарай жел соғып, жылдамдығы 8-13 м/с, екпіні 15-20 м/с жетеді. Түнде +15+17°С, күндіз +24+26°С жылы болуы мүмкін.