Астанада 10 автобустың бағыты уақытша өзгереді

Елордада жол жөндеу жұмыстарына байланысты 10 автобустың қозғалыс бағыты өзгереді. Бұл туралы City Transportation Systems Instagram парақшасында хабарлады.

Компанияның мәліметінше, жол жөндеу жұмыстары аяқталғанға дейін, №1, 3, 20, 23, 25, 5А, 6, 16, 37, 72 бағдарларының қозғалыс сызбасы уақытша өзгереді.

Өзгерген қозғалыс сызбасымен суреттен қарап таныс бола аласыздар.

"Сапарларыңызды алдын ала жоспарлауды сұраймыз", - делінген хабарламада.