Төтенше жағдайлар министрі 1 қыркүйек қарсаңында ата-аналар мен оқушыларға үндеу жасады

Төтенше жағдайлар министрі Сырым Шәріпханов Білім күні қарсаңында педагогтер мен ата-аналарға, сондай-ақ оқушыларға үндеу жасады. Бұл туралы ТЖМ Telegram арнасында хабарлады.

Шәріпханов ТЖМ халықтың қауіпсіздік мәдениетін қалыптастыру бағытында жұмыс істеп жатқанын атап өтті.

Өскелең ұрпақтың қауіпсіздік мәдениетін қалыптастыруға басымдық беріледі.

"Министрлік төтенше жағдайларды жоюдан алдын алуға көшу бағдарламасын қабылдады. Мен оқушыларымызды осы бағыттағы сауаттылықты арттыру бастамасына қосылуға шақырамын.

Біз апаттарға төтеп беріп, сауаттылығымызды арттыруымыз керек. Әрбір оқушы төтенше жағдайларда қалай әрекет ету керек, төтенше жағдайлардың алдын алуды білуі қажет" ,- деді министр.

Мәтіннен қате тапсаңыз, бізге жазыңыз