Шымкентте 1 млн теңге салынған әмиян иесіне қайтарылды

Шымкенттік тұрғын ішінде 1 млн теңгесі бар әмиянын, құжаттары мен банк карталарын жоғалтып алды. Кейінірек, оған әмиянды барлық затымен қайтарып берген, деп хабарлайды Polisia.kz.

Басылымның ақпаратынша, Умида Абдумуталипқызы есімді тұрғын Абай аудандық полиция бөліміне арызданған.

Ол сауда орталығында жүргенде қомақты ақшасы, құжаттары мен банк карталары салынған әмиянын жоғалтып алған. Бір сағаттай әмиянды іздеген әйел полицейлердің көмегіне жүгінуді шешкен.

Оқиға орнына келген тәртіп сақшылары келіншектің жүрген жолы бойынша іздеу жұмыстарын жүргізді.

Нәтижесінде жарты сағаттың ішінде полиция қызметкері Нұрбол Төлендібаев дүкендердің біріндегі орындық астынан әмиян тауып алып, оны барлық заттарымен заңды иесіне қайтарып берді.

Умида Абдумуталипқызы учаскелік полиция қызметкеріне жедел жұмысы мен адалдығы үшін шынайы алғысын білдірді.