"Жауын-шашын, жабысқақ қар": елімізде алдағы үш күнде ауа райы қандай болады

Синоптиктер елімізде алдағы үш күн, 5-7 қыркүйекте қандай ауа райы күтілетінін болжады, деп хабарлайды KAZ.NUR.KZ "Қазгидромет" РМК баспасөз қызметіне сілтеме жасап.

Метеорологтардың мәліметінше, алдағы күндері республиканың басым бөлігінде жаңбыр жауып, күн салқындайды. Сондай-ақ найзағай ойнап, екпінді жел болуы ықтимал.

Еліміздің солтүстігінде, шығысында және оңтүстік-шығысында кей уақытта қатты жаңбыр жауады деп күтілуде.

Қазақстанның оңтүстік-шығысындағы таулы аудандарда жауын-шашын болады.

Синоптиктердің болжамынша, республика бойынша 5 қыркүйекте жауын-шашын болып, жабысқақ қар жаууы мүмкін.

Еліміздің солтүстік-батысында, солтүстігінде, шығысында және орталығында түнгі және таңертеңгі уақытта тұман болады деп болжануда.

Еліміздің солтүстігінде, солтүстік-батысында, орталығында ауа температурасы түнгі уақытта +2...+10 градусты көрсетсе, күндіз күн +10...+20 градус жылы болады күтілуде.