Алматыда тағы бір көшенің бөлігі жол жөндеу жұмыстарына байланысты уақытша жабылады

Алматы қаласында Тілендиев көшесінің бір бөлігі 8 қыркүйек күні 23:00-ден 9 қыркүйек сағат 06:00-ге дейін жол жөндеу жұмыстарына байланысты уақытша жабылады. Тілендиев көшесінің бойымен Қарасай батыр көшесінен Төле би көшесіне дейінгі аралықта көлік қозғалысы шектеледі, деп хабарлайды "Алматы" арнасы.

Арна мәліметінше, көшенің жабық бөлігін Абай даңғылы, Өтеген батыр, Брусиловский, Төле би және іргелес көшелер арқылы айналып өтуге болады.

Ал жол-көлік оқиғаларын болдырмау және жол қозғалысын ұйымдастыру үшін жоғарыда аталған көше учаскесінде патрульдік полиция полкінің 2 экипажы жұмылдырылады.