Бүгін Қазақстанның ірі қалаларында ауа райы қандай болады

12 қыркүйекте, сейсенбі күні Қазақстанның ірі қалаларында жел тұруы мүмкін. Сондай-ақ жаңбыр жауып, найзағай ойнайды деп болжануда. Бұл туралы "Қазгидромет" РМК ресми сайтында хабарлады.

Синоптиктердің болжамынша, 12 қыркүйек күні Астанада көшпелі бұлтты, өткінші жаңбыр жауып, найзағай ойнауы мүмкін. Күндіз ауа температурасы +13...+15 градус болса, түнде +10...+12 градусқа төмендейді. Желдің жылдамдығы күндіз 9-14 м/с, екпіні 15-20 м/с жетеді.

Сондай-ақ елордада дауылдық ескерту жарияланған.

Алматыда бүгін күн бұлтты және өткінші жаңбыр жауады деп күтіледі. Синоптиктер оңтүстік астанада күндіз ауа температурасы +19...+20 градусқа жетсе, түнде +13...+15 градусқа дейін төмендейді деп болжап отыр. Желдің жылдамдығы 3-8 м/с, екпіні 15-20 м/с жетеді.

Шымкент қаласында керісінше, күндіз көшпелі бұлтты және жауын-шашын күтілмейді. Ауа температурасы күндіз +23...+25 градус болса, түнде +10...+12 градусқа дейін төмендейді. Желдің жылдамдығы 8-13 м/с, екпіні 15-20 м/с жетеді.

Мәтіннен қате тапсаңыз, бізге жазыңыз