Оңтүстік астанада "Алматы аруы - 2023" байқауының жеңімпазы анықталды
Опубликовано:
!["Қазақстан аруы – 2023" байқауы "Қазақстан аруы – 2023" байқауы](https://cdn.nur.kz/images/1120x630/f4733de4ba61aa31.jpeg)
Бүгін, 12 қыркүйек күні "Алматы аруы – 2023" байқауының жеңімпазы таңдалды. Ақтық сынға шыққан тоғыз бойжеткен мегаполистің тұңғыш аруы атағын сарапқа салды, деп хабарлайды KAZ.NUR.KZ.
Іс-шара қаладағы мейрамханалардың бірінде болған. Байқау ұйымдастырушысы Сейіт Советов іс-шараның басында әділ бәсеке болатынына сенімін білдіріп, "Қазақстан аруы – 2023" байқауында оңтүстік астананы тек лайықты ару таныстырсын деп ізгі тілегін айтты.
!["Қазақстан аруы – 2023" байқауы "Қазақстан аруы – 2023" байқауы](https://cdn.nur.kz/images/1120/7245b93a81ddf961.jpeg)
Финалға тоғыз бойжеткен шыққан: Айлин Хамидова, Айша Нарымби, Аружан Мәмбетәлі, Аяна Нұрқасымова, Виктория Титова, Мадина Әлмұханова, Назерке Әлімбекова, Наталья Петри және Сая Тұрсынбекова.
!["Қазақстан аруы – 2023" байқауы "Қазақстан аруы – 2023" байқауы](https://cdn.nur.kz/images/1120/a8d6baf7b4a7ae39.jpeg)
Әділ қазылар алқасының құрамында мынадай белгілі тұлғалар болды: стилист Эльмира Бекпатшаева, байқаудың бас сарапшысы Андрей Ткаченко, Бауыржан Апсейітов, Лилия Баймұратова, модельер Раушан Әнуарбекова, Ирина Гончарова, Гүлбахор Хасанова, Рафаэль Харун-заде, Дмитрий Лаптюшин.
Одан бөлек, "Алматы аруы – 2022" Томирис Заир, Валерия Оздемир, fashion-фотограф Данил Олейник, Индира Маханова, байқау президенті Айдай Исаева, дизайнер Құралай Нұрқадилова, Совет Сейітов, қырғызстандық дизайнер Арзубек Vonamaв.
!["Қазақстан аруы – 2023" байқауының қазылар алқасы "Қазақстан аруы – 2023" байқауының қазылар алқасы](https://cdn.nur.kz/images/1120/e1640031ae71a29d.jpeg)
Байқау финалының алғашқы сайысы "Визитка" деп аталады. Бойжеткендер қырғызстандық дизайнер Арзубек Vonamaвтың коктейль көйлектерін киіп, сән көрінісіне қатысқан. Талапты бойжеткендер түрлі бағытта өнерлерін паш етті.
!["Қазақстан аруы – 2023" байқауы "Қазақстан аруы – 2023" байқауы](https://cdn.nur.kz/images/1120/ec2eaa8ef68068fb.jpeg)
Сондай-ақ көрермендер мен әділ қазыларға нәзік жандылардың әсем орындауында ұлттық билер ұсынылды, оған қоса сымбатты бойжеткендер көпшілікке заманауи өнер мен балет биін таныстырды.
!["Қазақстан аруы – 2023" байқауы "Қазақстан аруы – 2023" байқауы](https://cdn.nur.kz/images/1120/d07e2979244c3580.jpeg)
Ал қорытындысында олар мегаполис туралы қызықты деректер айтып, Алматы туралы білімдерін көрсеткен.
!["Қазақстан аруы – 2023" байқауы "Қазақстан аруы – 2023" байқауы](https://cdn.nur.kz/images/1120/ed3339cc71804998.jpeg)
Бойжеткендер бірнеше номинация бойынша марапатталды.
!["Қазақстан аруы – 2023" байқауы "Қазақстан аруы – 2023" байқауы](https://cdn.nur.kz/images/1120/0e2686f80317645c.jpeg)
"Этно-аруы" номинациясында Айлин Хамидова жеңіске жетті. Аяна Нұрқасымова болса Fashion Model номинациясында жеңісін қоржынына салды, Виктория Титова "Спорт-аруы" атанды, Мадина Әлмұханова Fashion Style номинациясында жеңді.
Айша Нарымби – Lady Congeniality номинациясында, Аружан Мәмбетәлі – Media person номинациясында, Мадина Әлмұханова – Fashion Style номинациясы бойынша, Назерке Әлімбекова – Qazaq Aruy, Наталья Петри – Ayauly aru, Сая Тұрсынбекова – Talent performance номинациясы бойынша озық болған.
!["Қазақстан аруы – 2023" байқауы "Қазақстан аруы – 2023" байқауы](https://cdn.nur.kz/images/1120/10957b9daadd435d.jpeg)
Сонымен қатар People Choice номинациясында Мадина Әлмұханова жеңіске жетті.
!["Қазақстан аруы – 2023" байқауы "Қазақстан аруы – 2023" байқауы](https://cdn.nur.kz/images/1120/7dc4e5d1d831d872.jpeg)
Барлық сайыстан кейін қазылар алқасы бас жүлдені сарапқа салатын төрт қызды таңдады. Әділ қазылар жеңімпазды дауыс беру арқылы анықтаған. Ең көп дауыс жинаған сұлу жеңімпаз деп танылған.
!["Қазақстан аруы – 2023" байқауы "Қазақстан аруы – 2023" байқауы](https://cdn.nur.kz/images/1120/10f8fc6893b30a38.jpeg)
Осылайша Аяна Нұрқасымова Алматының үшінші вице-аруы атанды.
Екінші орынды Айша Нарымби иеленген.
Ал Мадина Әлмұханова бас жүлдегер болды.
!["Қазақстан аруы – 2023" байқауы "Қазақстан аруы – 2023" байқауы](https://cdn.nur.kz/images/1120/e88d5682fb78b9a1.jpeg)
Сонымен қатар мегаполистің басты көркі - "Алматы аруы - 2023" болып Наталья Петри атанды.
!["Қазақстан аруы – 2023" байқауы "Қазақстан аруы – 2023" байқауы](https://cdn.nur.kz/images/1120/36e2a38b307e88d1.jpeg)
Алдағы уақытта төрт қатысушының барлығы "Қазақстан аруы" байқауына қатысады.
Еске сала кетейік, былтыр қазан айында Алматыда "Қазақстан аруы - 2022" байқауы өткен болатын. Байқау қорытындысы бойынша алматылық Томирис Кәкімова 2022 жылдың ел аруы атанды.
Мақаланың түпнұсқасы: https://kaz.nur.kz/society/2036337-ontustik-astanada-almaty-aruy-2023-baiqauynyn-zenimpazy-anyqtaldy/