Астанада көпірлердің бірі бір айға ішінара жабылады

Астанада Ұлы Дала даңғылындағы көліктерге арналған көпір бір айға ішінара жабылады. Бұл туралы қалалық мониторинг және жедел әрекет ету орталығы Telegram арнасында хабарлады.

Ведомствоның мәліметінше, Ұлы Дала даңғылындағы көпірде деформациялық тігістің негізін жөндеу жұмыстары басталған.

Осыған байланысты 15 қыркүйек пен 15 қазан аралығында аталған көпір арқылы көлік құралдары үшін қозғалыс ішінара жабық болмақ.

Бұл ретте көпірдің бір жағы бойынша қозғалыс екі бағытта да ұйымдастырылады. Жөндеу жұмыстарын мердігер ұйым өз қаражаты есебінен жүргізеді.

Ведомство елорда тұрғындарына жол бағытын алдын ала жоспарлау керектігін ескертті.

Мәтіннен қате тапсаңыз, бізге жазыңыз