"Жаңбыр, бұршақ, үсік": сенбі күні еліміздің өңірлерінде ауа райы қандай болмақ

Синоптиктер сенбі, яғни 23 қыркүйек күні еліміздің өңірлерінде ауа райы қандай болатынын болжады. "Қазгидромет" мәліметінше, бүгін еліміздің басым бөлігінде жаңбыр жауып, кей өңірде үсік жүреді, деп хабарлайды KAZ.NUR.KZ.

Синоптиктер мәліметінше, Республиканың көп бөлігінде жаңбыр жауып, найзағай мен бұршақ күтіледі.

Солтүстікте, шығыста қатты жаңбыр және таулы аймақтарда жауын-шашын жауады.

Ал шығыста кей уақыттарда жаңбыр, қар жауады.

Антициклонның әсерінен еліміздің батысын және оңтүстігін жауын-шашынсыз ауа райы күтуде. Республика бойынша екпінді жел, түнде және таңертең тұман күтіледі.

Ақтөбе, Солтүстік Қазақстан облыстарының солтүстігінде түнде топырақ бетінде 1 градус үсік күтіледі.

Қызылорда облысының орталығы мен шығысында және оңтүстігінде төтенше өрт қауіпі сақталады.

Жамбыл облысында, Қарағанды, Ұлытау облыстарының оңтүстігінде, Түркістан облысының шөлді аудандарында жоғары өрт қауіпі сақталады.